امریکا کیلئے پابندیوں کی لت چھوڑنے کا اچھا موقع ہے،ایران

امریکا اس معاہدہ کی پاسداری چاہتا ہے جسے وہ 3سال پہلے چھوڑ چکا ہے
تہران(نیوزڈیسک) ایران کے وزیر خارجہ محمد جواد ظریف نے امریکہ کو خبردار کیا کہ وہ تہران کے خلاف غیر قانونی پابندیوں کو ہتھکنڈے کے طور پر استعمال کرنے کے باز رہے،محمد جواد ظریف نے امریکی صدر جو بائیڈن کو مخاطب کرتے ہوئے ٹوئٹ کیا کہ یہ بات انتہائی افسوسناک اور مضحکہ خیز ہے کہ امریکی وزارت خارجہ ایران سے اس معاہدے کی پاسداری کا مطالبہ کر رہی ہے جس کو ٹرمپ انتظامیہ نے 2018 میں ترک کردیا تھا، جواد ظریف نے اپنے ٹوئٹ میں پابندیوں کی امریکی لت کی جانب اشارہ کرتے ہوئے لکھا کہ گندی عادت سے چھٹکارا مشکل کام ہے تاہم اب اس لت سے چھٹکارا حاصل کرنے کا بہترین وقت ہے