امریکا سینچری ڈیل کی تمنا قبرمیں لیکر جائیگا،آیت اللہ کرمانی

ایرانی میزائلوں نے امریکی غرور کو خاک کے ساتھ یکساں کردیا،خطبہ جمعہ
تہران(نیوز ڈیسک) آیت اللہ موحدی کرمانی نے امریکا کی صدی ڈیل کو ناقابل عمل، سازشی اور فریب پر مبنی ڈیل قراردیتے ہوئے کہا ہے کہ امریکاصدی کی ڈیل کو عملی جامہ پہنانے کی تمنا قبر میں لے جائیگا،تہران میں نمازجمعہ کے اجتماع سے خطاب میں انہوں نے کہاکہ بیت المقدس کو فروخت کرنے کی اجازت نہیں دی جائیگی، امریکی ائر بیس پر ایرانی سپاہ کے دفاعی میزائل حملے کی طرف اشارہ کرتے ہوئے کہا کہ سپاہ اسلام نے امریکہ کے غرور اور تکبر کو توڑدیا ہے اور ایرانی میزائلوں نے امریکی غرور کو خاک کے ساتھ یکساں کردیا ہے، انہوں نے عشرہ فجر کی کی طرف اشارہ کرتے ہوئے کہا کہ حضرت امام خمینیؒ کی زحمتوں کو ضائع نہیں ہونے دیں گے اورہم ان کی کوششوں کو خراج تحسین پیش کرتے ہیں اور ان کی کوششوں کو زندہ رکھنا سب سے عمدہ اور اہم تقوی ہے۔