Ilyas عراق میں امریکی فوجی اڈے پر حملہ اس زخم پر ایک عارضی مرہم تھا
تہران(نیوز ڈیسک) ایران کی مسلح افواج کے سربراہ میجر جنرل محمد باقری نے سامراجیوں اور ایرانی قوم کے دشمنوں کو وارننگ دیتے ہوئے کہا ہے کہ انھیں شہید جنرل سلیمانی کے قد جتنے انتقام کا منتظر رہنا چاہیے ، کورونا سے مقابلے میں مغرب کے ثقافتی، معاشی اور سیاسی چیلنجز نامی ویبینار سے خطاب میں جنرل محمد باقری نے کہا کہ سامراجیوں کو ایک ایسے انتقام کے انتظار میں رہنا چاہیے جو سپاہ پاسداران انقلاب اسلامی کی القدس فورس کے کمانڈر شہید جنرل قاسم سلیمانی اور عراق کی رضاکار فورس کے نائب کمانڈر شہید ابو مہدی المہندس کے نام کے شایان شان ہو، عراق میں امریکی فوجی اڈے پر ایران کا مقتدرانہ میزائیل حملہ، عالم اسلام کے اس زخم پر ایک عارضی مرہم تھا ، دشمنوں کو ان دو شہیدوں کے قد کے برابر انتقام کا منتظر رہنا چاہیے
