امریکا ایران پر عائد پابندیاں فوری ختم کرے،ترک صدر

ایٹمی معاہدے پر تمام فریقوں کی واپسی خطے کی اقتصادی رونق ثابت ہوگی
انقرہ(نیوز ڈیسک) ترک صدر رجب طیب اردوان نے ایران پر عائد امریکی پابندیوں کو فوری ختم کرنے کا مطالبہ کردیا، اقتصادی تعاون تنظیم ای سی او کے چودھویں سربراہی اجلاس سے خطاب میں طیب اردوان نے ایران پرعائد پابندیوں کے خاتمے سے مغربی ایشیا کی معیشت ا وراستحکام کو حاصل ہونے والے فوائد کا ذکر کیا اور امید ظاہر کی کہ تہران کے خلاف امریکا کی یکطرفہ پابندیاں جلد از جلد ختم ہو جائیں گی،انہوں نے کہا کہ پابندیوں کے خاتمے کے ساتھ ساتھ ایٹمی معاہدے اوراس کے تحت ذمہ داریوں کی انجام دہی کی جانب تمام فریقوں کی واپسی خطے کی اقتصادی رونق اور ثبات میں بہت زیادہ معاون ہے