Ilyas 
عبداللہ ثانی کے سوتیلے بھائی اور ولی عہد حمزہ اور 25 قریبی افراد کو بغاوت کے الزام میں گرفتار، شہزادہ حمزہ نے ملک سے وفاداری کی دستاویز پر دستخط کر دیے
دورہ سعودی عرب میں شاہ عبداللہ کی بن سلمان سے اہم ملاقات ہوئی،اماراتی فرمانروا اور ر صیہونی وزیراعظم بھی سازش میں ملوث ہیں، اسرائیلی اخبار
عمان /مقبوضہ بیت المقدس(نیوز ڈیسک)اردن میں شاہ عبداللہ کی حکومت کا تختہ الٹنے کی کوشش ناکام ہوگئی،اسرائیلی اخبار نے بغاوت کے پیچھے سعودی ولی عہد بن سلمان، متحدہ عرب امارات کے ایک رہنما اور صیہونی وزیراعظم کا ہاتھ قرار دیا ہے،اسرائیلی اخباریدیعوت احارنوت نے رپورٹ دی ہے کہ بغاوت میں سعودی عرب کے ملوث ہونے کے ثبوت کے طور پر اردن کے فرمانروا عبداللہ ثانی کے حالیہ دورہ سعودی عرب اور ولی عہد محمد بن سلمان سے ان کی ملاقات کو پیش کیا جا سکتا ہے ، متحدہ عرب امارات کے فرمانروا کا بھی اس بغاوت میں ہاتھ ہے، اردن کے سابق وزیر خزانہ باسم عوض اللہ سعودی عرب کے شاہی خاندان اور اردن کے شہزادوں کو متصل کرنے والی کڑی میں تبدیل ہو گئے ہیں،اردن میں حکام نے عبداللہ ثانی کے سوتیلے بھائی اور ولی عہد حمزہ بن الحسین اور ان کے تقریبا 25 قریبی افراد کو بغاوت کی کوشش کے الزام میں گرفتارکرلیا تھا،بعد میں دونوں سوتیلے بھائیوں میں مصالحت ہوگئی اور شہزادہ حمزہ نے شاہ عبداللہ اور ملک سے وفاداری کی دستاویز پر دستخط کر دیے
