Raza Musani 
تہران : امریکی حکومت نے آزادی اظہار کی دھجیاں اڑاتے ہوئے ایران کے سرکاری میڈیا پریس ٹی وی سمیت درجنوں ویب سائٹس بند کردیں۔ جو ویب سائٹس بند کی گئی ہیں ان میں المسیرہ، العالم، لاؤلا اور کئی علاقائی ٹی وی چینلز کی ویب سائٹس شامل ہیں، ویب سائٹس کیخلاف مربوط کارروائی کی گئی ڈومینز پر ایک ہی جیسا پیغام درج ہے کہ جس میں دعوی کیا گیا ہے کہ ان ڈومینز کو امریکی حکومت نے اپنے قبضے میں لے لیا ہے، ویب سائٹس پر قبضے کے لئے امریکی پابندیوں کے قوانین کا حوالہ دیا گیا اور اس کے ساتھ فیڈرل بیورو آف انویسٹی گیشن (ایف بی آئی) اور امریکی محکمہ تجارت کی مہر بھی موجود ہے، امریکی حکومت نے العالم، المسیرہ اور پریس ٹی وی کے علاوہ مزاحمتی محاذ کی کئی دوسری وب سائٹوں کو بھی بند کر دیا ہے جس میں المعلومہ بھی شامل ہے۔
