یمن پر جنگوں کی تاریخ کے سب سے زیادہ حملے

۵سال میں جارحیت کے باوجود عرب اتحاد کو کچھ حاصل نہیں ہوا، یمنی فوج
صنعا (نیوز ڈیسک) یمن کی مسلح افواج کے ترجمان جنرل یحیی سریع نے کہا ہے کہ جارح سعودی اتحاد جنگوں کی تاریخ میں سب سے زیادہ فضائی حملے کرکے بھی کچھ حاصل نہیں کرسکا، جارحیت کے 5سال مکمل ہونے کے موقع پر نیوز کانفرنس میں جنرل یحیی سریع نے کہا کہ جارح سعودی اتحاد نے رواں سال 14 مارچ تک یمن کے خلاف دولاکھ 57 ہزار 882 حملے کئے جو دنیا کی جنگی تاریخ میں سب سے زیادہ ہیں،انہوں نے کہا کہ اب تک سعودی عرب کے10 ہزار جبکہ متحدہ عرب امارات کے1240 سے زائد فوجی ہلاک اور زخمی ہوئے،دشمن کے 8487 ٹینک، بکتربند گاڑیوں اور بلڈوزروں کو بھی تباہ کر دیا گیا۔ انہوں نے کہا کہ جوانوں نے شاندار فوجی کارروائیاں انجام دیتے ہوئے میدان جنگ میں دشمن کو نئی جنگی صورتحال سے دوچار کیا ہے اور اس کے نتیجے میں نہم، الجوف، مآرب، الصالع اور دیگر سرحدی علاقوں کو آزادی حاصل ہوئی۔