پہلے جنگ بندی پھر مذاکرات،انصار اللہ کا ٹھوس موقف

جنگ بندی کو نظر انداز کرکے پیش کی گئی کسی بھی تجویز کا نتیجہ برآمد نہیں ہوگا
صنعا(نیوز ڈیسک) انصار اللہ نے کسی بھی قسم کے امن مذاکرات کے آغاز کو جنگ بندی اور محاصرے کے خاتمے سے مشروط کردیا، انصار اللہ کے ترجمان محمد عبد السلام نے اقوام متحدہ کے خصوصی نمائندے مارٹن گریفتھس کی مذاکرات کی تجویز پر ردعمل ظاہر کرتے ہوئے کہا کہ بحران یمن کا حل یہ ہے کہ پہلے جنگ بندی ہو، محاصرہ ختم کیا جائے اور اس کے بعد مذاکرات کو ٹھوس بنیادوں پر آگے بڑھایا جائے، قومی حکومت اور تحریکِ انصاراللہ شروع ہی سے اس بات پر زور دیتی آئی ہے کہ بحران کو سیاسی ڈائیلاگ کے ذریعے حل کیا جاسکتا ہے۔ انصار اللہ کے ترجمان نے واضح کیا کہ جنگ بندی اور محاصرے کے خاتمے کو نظر انداز کرکے پیش کی جانے والی کسی بھی تجویز کا خاطر خواہ نتیجہ برآمد نہیں ہوگا بلکہ یہ بحران کے مزید طول پکڑنے کا سبب بنے گا۔