مراکش میں اسرائیل کو تسلیم کرنیکا فیصلہ عدالت میں چیلنج

 فیصلہ قومی موقف کا انحراف اور فلسطینیوں کے حقوق کی نفی ہے،وکلا کی درخواست
 رباط(نیوز ڈیسک) افریقا کے عرب ملک مراکش میں وکلا کے ایک گروپ نے اسرائیل کو تسلیم اور سفارتی تعلقات قائم کرنے کا فیصلہ ملک کی اعلیٰ عدالت میں چیلنج کر دیا، درخواست گذاروں کا کہنا ہے کہ اسرائیل کے ساتھ تعلقات معمول پرلانے کا اعلان مراکش کے اصولی اور قومی موقف کا انحراف، بین الاقوامی قراردوں کی خلاف ورزی اور فلسطینیوں کے حقوق کی نفی کے مترادف ہے، لہذا عدالت اسرائیل کے ساتھ طے پائے حکومتی معاہدوں کو فی الفور کالعدم قرار دے،وکلا مراکش کی حکومت اور اسرائیل کے درمیان سفارتی، سیاسی، اقتصادی اور سیاحتی معاہدوں کو نہیں مانتے، اُنہوں نے ملک کی سب سے بڑی اپیل عدالت سے کہا ہے کہ وہ حکومت اور اسرائیل کے درمیان طے پائے تمام معاہدے فوری طور پر کالعدم قرار دے۔