فلسطینی قیدیوں میں وبا پھیلی تو اسرائیل ذمہ دار ہوگا

وائرس کے پیش نظر عالمی برادری سے غزہ کا محاصرہ ختم کرانے کی اپیل
مقبوضہ بیت المقدس(نیوز ڈیسک) فلسطینی صدر محمود عباس نے کہا کہ فلسطینی قیدیوں کی صحت و سلامتی کی تمام تر ذمہ داری صہیونی حکومت پر عائد ہوتی ہے، اس وقت تقریبا 6 ہزار فلسطینی اسرائیل کے مختلف جیلوں میں بند ہیں جنہیں کورونا وائرس کے پھیلاؤ اور اسرائیل کی توسیع پسندانہ پالیسی کی وجہ سے سب سے زیادہ نقصان پہنچنے کا اندیشہ ہے،دوسری جانب فلسطینی تنظیموں نے کورونا وائرس کے پیش نظر عالمی برادری سے غزہ کا محاصرہ ختم کرانے کی اپیل کی ہے، اسرائیل نے 2006سے غزہ کا مکمل محاصرہ کر رکھا ہے جس کے پیش نظر اس علاقے میں کورونا وائرس سے نمنٹے میں انتہائی مشکلات کا سامنا کرنا پڑ رہا ہے۔