غرب الاردن پر قبضہ کے خطرناک نتائج نکلیں گے،ترکی

عالمی برادری اسرائیل کے یکطرفہ فیصلے کے مقابلے میں مزاحمت کرے
انقرہ(نیوز ڈیسک)ترکی کی وزارت خارجہ کے ترجمان نے کہا ہے کہ فلسطینی سرزمین پر قبضہ کیلئے نتن یاہو اور بنی گینٹس کے درمیان جو معاہدہ ہوا ہے اس کی ہم شدید الفاظ میں مذمت کرتے ہیں، صہیونی حکومت کا یہ خطرناک کام، عالمی قوانین کے بالکل خلاف ہے، ان کا ملک عالمی برادری سے مطالبہ کرتا ہے کہ وہ غاصب صہیونی حکوت کے یکطرفہ فیصلے کے مقابلے میں مزاحمت کا مظاہرہ کرے،ان کا کہنا تھا کہ ہم بیت المقدس کے دارالحکومت والے آزاد فلسطینی ملک کی تشکیل کے خواہاں ہیں، انقرہ اب بھی فلسطینی عوام کے ساتھ ہے اور وہ ان کی امنگوں کا احترام کرتا ہے۔