رو س کی ایران پر اسلحہ پابندی میں توسیع کی مخالفت

امریکیوں کا رویہ خارجہ پالیسی کے بنیادی اصولوں کے منافی ہے،روس
ماسکو(نیوز ڈیسک) روس نے ایران پر اسلحہ پابندیوں کی مخالفت کردی، روسی نائب وزیر خارجہ نے کہا ہے کہ ان کا ملک ایران کیخلاف سلامتی کونسل کی جانب سے اسلحہ کی پابندیوں کا مخالف ہے، روس سمجھتا ہے کہ سلامتی کونسل کو ایران کے خلاف اسلحہ کی پابندیوں میں توسیع سے گریز کرنا چاہیے،ایٹمی معاہدے کے تحت ایران کے خلاف اسلحہ کی پابندیاں رواں سال ختم ہوجائیں گی تاہم امریکاپابندیوں میں توسیع کا مطالبہ کر رہا ہے، روسی نائب وزیر خارجہ سرگئی ریابکوف کا کہنا تھا کہ ہم اس بات کیلئے بالکل تیار نہیں کہ بار بار اپنے امریکی شرکا کی بات مانتے رہیں، کیوں کہ ایسی صورت میں وہ پھر دوسرے معاملات اٹھانا شروع کردیں گے،انہوں نے ایٹمی معاہدے پر عملدرآمد کی ضرورت پر زور دیتے ہوئے کہا کہ امریکیوں کا رویہ خارجہ پالیسی کے بنیادی اصولوں کے منافی ہے۔