Raza Musani 
نیویارک : اقوام متحدہ نے فنڈز کی کمی سے لاکھوں روہنگیا پناہ گزینوں کے لیے خوراک کی امداد میں کٹوتی کا فیصلہ کرلیا۔ اقوام متحدہ کے ورلڈ فوڈ پروگرام نے اعلان کیا ہے کہ بنگلہ دیش کے کیمپوں میں مقیم پناہ گزینوں کیلئے ماہانہ الاؤنس کی قدر بارہ سے دس ڈالر فی کس کردی جائے گی۔ اگر اپریل تک نئے فنڈز نہ ملے تو مزید کٹوتیاں ضروری ہوں گی۔ بنگلہ دیش میں سیو دی چلڈرن کے کنٹری ڈائریکٹر اونو وان مانن نے کہا ہے کہ بین الاقوامی ڈونر کمیونٹی اب 50 لاکھ روہنگیا بچوں اور ان کے خاندانوں سے منہ موڑ رہی ہے۔ جو دنیا کے سب سے زیادہ کمزور لوگوں کے لیےان کی وابستگی کی محدودیت کو ظاہر کرتا ہے۔ انہوں نے فنڈنگ کی کمی کے تباہ کن نتائج سے بھی خبردار کیا، اور کہا کہ مسلمانوں کے مقدس مہینے رمضان سے قبل راشن میں کٹوتی کرنا غیر معقول ہے۔
