جرمن فوج کا افغانستان سے انخلا

برلن : جرمنی نے افغانستان سے تقریباً دو دہائیوں کے بعد فوجیوں کا انخلا مکمل کر لیا، جرمن وزیر دفاع کا کہنا ہے کہ ہمارے آخری فوجیوں نے بھی افغانستان چھوڑ دیا اور اب وہ اپنے گھر کی جانب گامزن ہیں جرمنی کے پاس افغانستان میں امریکا کے بعد فوج کا دوسرا سب سے بڑا دستہ تھا، دو دہائیوں میں تقریباً ڈیڑھ لاکھ فوجی تعینات تھے، افغانستان میں سب سے بڑا امریکی فضائی اڈہ ممکنہ طور پر اتوار تک خالی کردیا جائے گا، امریکی انخلا کے بعد بگرام کا فوجی اڈا افغان فورسز کے حوالے کیا جائے گا،امریکی میڈیا نے مزید کہا کہ امریکی اہلکار جو سامان ساتھ نہیں لے جارہے، اُسے طالبان سے بچانے کے لیے تباہ کررہے ہیں۔