Raza Musani 
تہران : افغان حکومت اور طالبان نے افغانستان میں پرامن سیاسی حل پراتفاق کرلیا ایران میں افغان حکومت اور طالبان کے درمیان اہم مذاکرات ہوئے جس میں افغانستان میں پرامن سیاسی حل اور اسلامی ریاست کے قیام کے لیے مذاکرات جاری رکھنے پر اتفاق کیا گیا، ایرانی وزیر خارجہ جواد ظریف کی زیرقیادت فریقین نے افغانستان کے مسائل سے متعلق کھل کر بات کی مذاکرات کے بعد جاری مشترکہ بیان میں کہا گیا کہ تہران کی جانب سے مذاکرات کا انعقاد افغانستان میں سیاسی حل کو مستحکم کرنے کا بہترین موقع ہے، مذاکرات میں اس بات پر بھی آمادگی ظاہر کی گئی کی جنگ افغانستان کے مسائل کا حل نہیں لہذا تمام تر کوششیں ایک پر امن سیاسی حل کے لیے کی جانی چاہیے فریقین نے مسئلہ کے پرامن سیاسی حل اور اسلامی ریاست کے قیام کے لیے مذاکرات کے اس سلسلے کو جاری رکھنے پر بھی رضامندی ظاہر کی تاہم مذاکرات کے لیے اگلی تاریخ اور مقام کا تعین نہیں ہوسکا.
