انصار اللہ پر پابندی کیخلاف یمن میں احتجاجی مظاہرے

 جارحیت کے مقابل ملت یمن کی استقامت جاری رکھنے کا اعلان
 صنعا(نیوزڈیسک) انصار اللہ کا نام دہشت گرد گروہوں کی فہرست میں شامل کرنے کے امریکی فیصلے کے خلاف یمنی عوام اور تنظیموں نے مختلف شہروں میں احتجاجی مظاہرے کئے، صنعا،تعز اور دیگر شہروں میں احتجاج کیا گیا، مظاہرین نے اپنے بیان میں عرب اتحاد کی جارحیت کے مقابل ملت یمن کی استقامت جاری رکھنے کا اعلان کیا اور آزادی ، سربلندی اور عزت کے لئے انقلابی رہنماو ¿ں کی راہ پر گامزن رہنے نیز ان کی حمایت جاری رکھنے کے عزم کا اظہار کیا،مظاہرین نے کہاکہ امریکا کی براہ راست دہشتگردی کے ذریعے یمنی بچوں اور خواتین سمیت عام شہریوں کے خلاف جارح اتحاد کے جرائم سے اس اتحاد کے اخلاقی انحطاط کا اندازہ ہوتا ہے اور واضح ہوجاتا ہے کہ جارح امریکی و سعودی اتحاد کس حد تک پستی میں گر چکا ہے۔