اسرائیل کا خاتمہ فلسطینیوں کا قتل رکوانے کاواحد حل،یہودی رہنما

اللہ کی خدمت کرنیوالے یہودیوں کیلئے صیہونی ازم ناقابل قبول ہے
 نیویارک(نیوز ڈیسک) فلسطینیوں کا قتل عام رکوانے کا صرف ایک ہی راہ حل ہے اور وہ اسرائیل کا خاتمہ ہے ،یہ بات یہودی کارٹا گروہ کے مذہبی رہنما اور ربی یسرول ڈیوڈ ویس نے ترک ٹی وی سے انٹرویو میں کہی، انہوں نے کہا کہ آپ کو ایسا کم ہی دیکھنے کو ملے گا کہ کوئی یہودی مذہبی رہنما فلسطین کا پرچم اپنی جیکٹ پر لگائے لیکن کارٹا ایسا کرتے ہیں،ہم لوگ اسرائیل کی تباہی کو ضروری کیوں سمجھتے ہیں ، صیہونیزم، یہودی مذہب سے لیا گیا ہے جو انتہا پسندی اور قوم پرستی کی مادی شکل میں بدل گیا ہے، یہ ان افراد کے لئے غیر قابل قبول ہے جو اللہ کی خدمت کرنا چاہتے ہیں، اس نظریہ کو مضبوط بنانے کے لئے وہ اللہ کو ہی درمیان سے ہٹا رہے ہیں، فلسطین سے یہودیوں کی جلا وطنی، اللہ کے حکم کے مطابق تھی، وہ لوگوں سے اپیل کرتے ہیں کہ انہیں ایک یہودی اور ایک صیہونی کے درمیان فرق کو سمجھنا چاہئے۔