اسرائیل نے جارحیت جاری رکھی تو ماہ رمضان کے بعد الاقصیٰ پر بڑی جنگ شروع ہوگی، حماس

غزہ : حماس کے رہنما یحیی سنوار کا کہنا ہے کہ غزہ میں مقیم تمام مزاحمتی گروپوں کو پوری طرح تیار رہنا چاہیے کیونکہ اگر اسرائیل نے مسجد اقصیٰ پر جارحیت بند نہ کی تو رمضان کے مقدس ماہ کے بعد مسجد اقصیٰ کے لیے بڑی جنگ شروع ہو جائے گی۔ غزہ میں ماہرین تعلیم کی نیوز کانفرنس سے خطاب میں یحیی سنوار نے کہا کہ مسجد اقصیٰ کے تحفظ کی جنگ رمضان کے بعد شروع ہو جائے گی کیونکہ صیہونیوں کے پاس بہت سے ایسے واقعات ہیں جب وہ مسجد کو توڑنے کی کوشش کریں گے۔ انہوں نے اسلامی مقدسات، خاص طور پر مسجد اقصیٰ کے دفاع کو مزاحمتی قوتوں کی ذمہ داری قرار دیا۔ انہوں نے اسرائیلی قبضے کے خلاف مزاحمت اور مسجد اقصیٰ کا دفاع کرنے پر فلسطینی خواتین اور مردوں کو بھی سراہا۔