اسرائیلی تحفظ کیلئے امریکی صدر ٹرمپ کا غیرمعمولی اقدام

اسرائیل امریکی سنٹرل کمانڈ کی زیر نگرانی ممالک میں شامل،ایران کیخلاف تعاون کریگا
واشنگٹن (نیوز ڈیسک) امریکی صدر ڈونلڈ ٹرمپ نے اپنے اقتدار کے آخری چند ایام میں اسرائیل کے تحفظ کیلئے اسے امریکی سنٹرل کمانڈ کی زیر نگرانی کردیا، یہ وہ ممالک ہیں جو مشرق وسطی اور ایشیا میں فوجی کارروائیوں کی قیادت کی صلاحیت رکھتے ہیں،اسرائیل امریکی سنٹرل کمانڈ کی نگرانی میں شامل 21واں ملک بن گیا ہے اوروہ ایران کے خلاف مناسب اتحاد میں خطے کے ممالک کے ساتھ تیزی سے تعاون کرے گا،یہ اعلان اسرائیل کے بحرین، متحدہ عرب امارات ، سوڈان اور مراکش کے ساتھ تعلقات معمول پر لانے کے اعلان کے ضمن میں ہوا ہے ، سینٹرل کمانڈ کے سابق چیف آف اسٹاف مائک جونز نے کہا ہے متنازعہ تبدیلی کی اچھی وجوہات ہیں، میرے خیال میں اسرائیل کو امریکی سنٹرل کمانڈ میں منتقل کرنا عقل مندی کی بات ہے