یمن جارحیت، 2 لاکھ 23 ہزار بیگناہ شہری جاں بحق ہوئے

آبادی کا 80 فیصد حصہ فوری طور پر انسانی امداد کا محتاج ہے،اقوام متحدہ کی رپورٹ
نیویارک(نیوز ڈیسک)اقوام متحدہ نے یمن پر مسلط سعودی جنگ میں جاں بحق شہریوں کے اعداد و شمار کا اعلان کر دیا ، رپورٹ کے مطابق جنگ کے باعث تاحال 2 لاکھ 23 ہزار بیگناہ شہری اپنی جان سے ہاتھ دھو بیٹھے جبکہ آبادی کا 80 فیصد حصہ فوری طور پر انسانی امداد کا محتاج ہے ، بحران اب ایک ایسے مرحلے میں داخل ہو چکا ہے جہاں سے واپسی نا ممکن ہے لہذا یمن پر مسلط کردہ جنگ کو فوری طور پر روک دیا جائے، بیان میں الحدیدہ میں چند روز قبل کی گئی سعودی بمباری کی شدید مذمت کی گئی تھی جس میں 14 خواتین و بچے جاں بحق ہوئے تھے