Ilyas امریکا اپنی ضد کی وجہ سے عالمی امن تباہ کرنا چاہتا ہے ،چینی وزیرخارجہ
بیجنگ(نیوز ڈیسک) چین نے عالمی جوہری معاہدے 2015 میں ایران کی حمایت جاری رکھنے کا عندیہ دیتے ہوئے مشرق وسطیٰ میں تناوَ کو ختم کرنے کے لیے ایک نئے فورم کی تشکیل کا مطالبہ کردیا، چین کے شہر ٹینگچونگ میں چین کے وزیر خارجہ وانگ ڑی نے ایرانی ہم منصب جواد ظریف سے ملاقات کی اور مشرق وسطیٰ کی کشیدہ صورت حال پر تبادلہ خیال کیا، چینی وزیر خارجہ نے مشرق وسطی میں تناوَ کو ختم کرنے کے لیے تمام اسٹیک ہولڈرز کی مساوی شراکت کے ساتھ کثیر الجہتی فورم کا مطالبہ کیا جو بات چیت کے ذریعے باہمی افہام و تفہیم میں اضافہ کرے گا اور مشرق وسطی میں امن کے لیے سیاسی اور سفارتی حل تلاش کرے گا ، ا نہوں نے امریکا کے جوہری معاہدے سے دستبرداری کی سخت الفاظ میں مذمت کرتے ہوئے کہا کہ امریکا کو معاہدے کے دیگر رکن ممالک کی رائے کا بھی احترام کرنا چاہیئے تھا، اپنی ضد یا انا کی تسکین کی خاطر عالمی امن کو تہہ و بالا کرنے سے گریز کرنا مناسب عمل نہیں
