پوپ فرانسس نے عراق کے مقدس شہر نجف اشرف میں آیت اللہ سید علی سیستانی کی قیامگاہ پر ان سے ملاقات کی۔ عراقی نیوز ایجنسیوں کے مطابق کیتھولک مسیحیوں کے مذہبی رہنما پوپ فرانسس نے عراق کے اعلی حکام سے ملاقات کے بعد نجف اشرف ميں آيت اللہ سید علی سیستانی کی قیامگاہ پر ان سے ملاقات اور گفتگو کی۔
عراق کی اعلیٰ دینی مرجعیت کے ساتھ پوپ فرانسس کی ملاقات کی تفصیلات معلوم نہیں ہوسکی ہیں تاہم بتایا جاتا ہے کہ ایک گھنٹے تک جاری رہنے والی اس ملاقات کے بعد پوپ اور ان کے وفد کے اراکین عراقی شہر ذی قار کی طرف روانہ ہوگئے۔
پوپ نے عراق میں قیام کے دوران اعلیٰ عراقی حکام کے ساتھ ملاقاتوں کے دوران عوامی رضا کار فورس الحشد الشعبی کے جوانوں سے بھی ملاقات کی اور اس موقع پر الحشدالشعبی کے عیسائی کمانڈر کو اپنی تسبیح بطور تحفہ پیش کی۔
