Ilyas سعودی کمپنیوں کو عراق میں داخلے کی ہرگز اجازت نہیں دی جائے گی،قبائیلی سردار
بغدا د(نیوز ڈیسک) عراق کے زرعی شعبے میں بھاری سرمایہ کاری کے منصوبے پر بات چیت کیلئے سعودی وفد بغداد پہنچ گیا،وفد وزیر ماحولیات ، پانی و زراعت عبدالرحمن الفضلی کی سربراہی میں بغداد پہنچا اور مختلف شعبوں میں دوطرفہ تعلقات کو مستحکم کرنے پر تبادلہ خیال کیا، ادھر صوبہ کربلا کے قبائلی سرداروں نے زرعی شعبے میں سرمایہ کاری کے بہانے جنوبی عراق میں سعودی عرب کے سامراجی منصوبے پر شدید برہمی کا اظہار کیا ہے، قبائلی سرداروں اور مختلف شخصیات نے نیوز کانفرنس میں اعلان کیا کہ زرعی شعبے میں سعودی سرمایہ کاری کا منصوبہ ایک سامراجی منصوبہ ہے اور جو کسی قیمت پر قابل قبول نہیں ، سرمایہ کاری کے بہانے سعودی کمپنیوں کو عراق میں داخلے کی ہرگز اجازت نہیں دی جائے گی
