اسرائیل کے ساتھ تعلقات قائم کرنے والے ممالک کے دعوؤں کے برخلاف غاصب صہیونی حکومت نے غرب الاردن کے الحاق کی پالیسی کو ایک دن کے لئے بھی ترک نہیں کیا ہے۔
فلسطینی اتھارٹی کی وزارت خارجہ نے اپنے ایک بیان میں قدس شہر کے جنوبی علاقے میں نئی یہودی کالونی کی تعمیر کے فیصلے کی مذمت کی ہے۔ بیان میں کہا گیا ہے کہ ڈونالڈ ٹرمپ کی باقی ماندہ مدت صدارت کے دوران صہیونی حکومت اپنے توسیع پسندانہ عزائم کی تکمیل کے لیے کوشاں ہے۔
بیان میں اس عزم کا بھی اظہار کیا گیا ہے کہ اب روايتی انداز میں سیاسی بیان پر اکتفا نہیں کیا جائے گا، بیان میں کہا گیا ہے کہ اب عالمی برادری کی ذمہ داری ہے کہ وہ غاصبوں سے بازخواست کرے۔
