Ilyas پابندیوں کے باوجود تجارتی روابط کو فروغ دیا جائیگا، ایرانی اور روس
ماسکو (نیوز ڈیسک) روسی وزیر خارجہ سرگئی لاروف نے کہا کہ ان کا ملک ایران کے ساتھ تعاون ختم کرنے سے متعلق امریکی درخواست کی پیروی نہیں کرے گا ، ماسکو میں ایرانی وزیر خارجہ محمد جواد ظریف کے ساتھ مشترکہ پریس کانفرنس میں سرگئی لاروف نے کہاکہ ماسکو اور تہران نے امریکی پابندیوں کے باوجود تجارتی روابط کو فروغ دینے کا فیصلہ کیا ہے ، ایران کے خلاف امریکی پابندیوں کو سلامتی کونسل کے ذریعے دوبارہ لاگو کرنے سے متعلق امریکی کوششیں کامیاب نہیں ہوں گی ، محمد جواد ظریف نے کہا کہ ایران اور روس کے صدور دونوں ممالک کے مابین معاہدوں پر عمل درآمد اور باہمی تعاون کے فروغ پر سنجیدگی سے عمل پیرا ہیں
