حملے نہ رکے تو امن مذاکرات متأثر ہوسکتے ہیں، افغان صدر

کابل میں افغانستان کے صدر اشرف غنی کے دفتر سے جاری ہونے والے بیان میں کہا گیا ہے کہ طالبان اور دیگر دہشت گرد گروہ سرکاری تنصیبات اور عوام پر حملے جاری رکھے ہوئے ہیں اگر یہ صورتحال اسی طرح جاری رہی تو امن کا عمل متأثر ہو سکتا ہے۔ بیان کے مطابق صدر اشرف غنی نے کہا کہ طالبان کو افغان عوام کے خلاف ناجائز جنگ سے دستبردار ہوجانا چاہیے۔
انہوں نے کہا کہ عام شہریوں اور سرکاری تنصیبات پر دہشت گردانہ حملوں سے امن کا عمل متاثر ہوگا اور لوگوں کی امیدیں ٹوٹ جائیں گی۔
واضح رہے کہ اتوار کی صبح افغانستان کے دارالحکومت کابل میں ہونے والے دھماکوں کے نتیجے میں نو افراد جاں بحق اور متعدد زخمی ہو گئے تھے۔ زخمیوں میں افغان پارلیمنٹ کے رکن خان محمد وردک بھی شامل ہیں۔