بھارت میں کسانوں کا احتجاج جاری ہے۔ ہریانہ، پنجاب، راجستھان میں کاشتکاروں کے جلسے جاری ہیں، گرداس پور میں ہونے والے جلسے میں تین صوبوں کے کارکنوں نے شرکت کی، رہنماؤں کا کہنا ہے کہ کسان مزدور اور نوجوانوں کی نئی پارٹی بنائی جائے گی۔
اوڑیسہ میں کسان رہنماؤں نے میڈیا سے بات کرتے ہوئے کہا کہ جب تک سرکار کالے قوانین پر بات چیت نہیں کرتی پورے ملک میں اجلاس اور دلی کے ارد گرد دھرنے جاری رہیں گے۔ سنگھو بارڈر پر شریک کسانوں کے ساتھیوں نے چندی گڑھ میں ہمسائے کے کھیت سنبھال لیے، فصلوں کو پانی لگایا۔ کاشتکاروں نے گاؤں سے کسانوں کے تازہ دم جتھے بھی دلی بھیج دیئے۔
