ایران کامحسن فخری زادہ کی ٹارگٹ کلنگ پر سلامتی کونسل کو خط

یہ قتل مغربی ایشیائی خطے کی تباہی کی گھناو ¿نی سازش کا حصہ ہے،ایران
نیویارک (نیوز ڈیسک)اقوام متحدہ میں ایران کے مستقل نمائندے نے ممتاز ایرانی سائنسدان محسن فخری زادہ کی ٹارگٹ کلنگ پر سلامتی کونسل کو خط ارسال کیا ہے جس میں ٹارگٹ کلنگ کے اس مجرمانہ اقدام میں اسرائیل کے ملوث ہونے کے واضح شواہد تحریر کئے گئے ہیں ، مجید تخت روانچی نے اپنے خط میں غاصب صہیونی رژیم اور امریکا کے ایران کے خلاف جنگی جنون پر مبنی غیر ذمہ دارانہ اقدامات کی جانب اشارہ کیا اور تحریر کیا کہ ایران اپنی عوام اور خصوصاً اپنے مفاد کی حفاظت کے لئے ہر ممکن رستہ اپنائے گا،انہوں نے ایرانی سائنسدان کی ٹارگٹ کلنگ کو بین الاقوامی قوانین کی کھلی خلاف ورزی اور مغربی ایشیائی خطے کی تباہی کے لئے تیار کی گئی گھناو ¿نی سازش کا ایک حصہ قرار دیا