ایران سے غیرقانونی پابندیاں ختم کی جائیں،جی77

جوہری معاہدہ عالمی مسائل کے حل کیلئے اہم کثیر الجہتی تعاون ہے
بیجنگ (نیوز ڈیسک) جی 77 گروپ نے ایران کے خلاف عائد یکطرفہ اور غیر قانونی پابندیوں کے خاتمے پر زور دیا ہے،گروپ 77 کے بیان میں مزید کہا گیا ہے کہ وہ کثیر الجہتی کی حمایت کی ضرورت کو لازمی سمجھتے ہوئے جوہری معاہدے کو عالمی مسائل کے حل کیلئے ایک اہم کامیاب کثیر الجہتی تعاون سمجھتے ہیں۔ گروپ 77 اور چین کے وزرائے خارجہ نے ایک بیان میں ایران کے خلاف لگی ایک طرفہ اقتصادی پابندیوں کو مسترد کرتے ہوئے ان کے فوری خاتمے پر زور دیا جی- 77 گروپ اور چین، 136 ممالک پر مشتمل ہے اور یہ اقوام متحدہ کا سب سے بڑا اور طاقتور گروپ مانا جاتا ہے