امریکی ریاست لوئیزیانا میں فائرنگ کے ایک واقعہ میں کم از کم 3 افراد ہلاک ہوگئے ہیں۔ فارس خبر رساں ایجنسی کی رپورٹ کے مطابق فائرنگ کا واقعہ امریکی ریاست لوئیزیانا (Louisiana ) کے ایک شاپنگ مال میں رونما ہوا۔ مقامی پولیس کا کہنا ہے کہ اس واقعہ میں 3 افراد ہلاک اورمتعدد زخمی ہوئے۔ واقعے کے بعد بڑی تعداد میں پولیس اہلکاروں نے جائے وقوعہ کو اپنے محاصرے میں لے لیا۔
ابھی تک حملہ آور یا حملہ آوروں کے بارے میں کسی قسم کی تفصیلات جاری نہیں کی گئی ہیں۔
یاد رہے کہ امریکہ میں اسلحہ کی خرید و فروخت پر کسی قسم کی پابندی نہیں ہے جس کی بناپر آئے ڈن اس قسم کے واقعات رونما ہوتے رہتے ہیں۔ امریکی عوامی اور سماجی حلقوں کی جانب سے ہتھیاروں کی خرید و فروخت پر پابندی کے مطالبات کے باوجود اسلحہ ساز کمپنیوں اور حکومت میں ان کی لابنگ کے نتیجے میں امریکی کانگریس کوئی موثر اقدام کرنے کی توانائی سے اب تک قاصر رہی ہے۔
