Ilyas 
وزیراعظم کی زیر صدارت آئی ایس آئی ہیڈ کوارٹر میں اجلاس، مسلح افواج کی اعلیٰ قیادت شریک،وزیرخارجہ کی او آئی سی اجلاس کے دوران ملاقاتوں پر بریفنگ
سعودی عرب بھی اگر اسرائیل کو تسلیم کرلے تو بھی پاکستان اسے تسلیم نہیں کرے گا،اجلاس میں اتفاق، فرانس سے تعلقات منقطع کرنے کا بھی جائزہ لیا گیا
راولپنڈی (نیوز ڈیسک) پاک فوج اور حکومت نے متفقہ فیصلہ کیا ہے کہ اسرائیل کو کسی طور تسلیم نہیں کیا جائے گا،یہ فیصلہ وزیراعظم عمران خان کی زیر صدارت آئی ایس آئی ہیڈ کوارٹر میں اجلاس کے دوران کیا گیا جس میں تینوں مسلح افواج کی اعلیٰ قیادت، وزیر خارجہ شاہ محمود قریشی اور وفاقی وزیر اسد عمر بھی شریک ہوئے، شاہ محمود قریشی نے او آئی سی اجلاس کے موقع پر ہونیوالی ملاقاتوں پر بریفنگ دی، وزیراعظم عمران خان نے اسرائیلی وزیراعظم کے دورہ سعودی عرب اور نیوم شہر میں محمد بن سلمان اور اسرائیلی وزیراعظم نیتن یاہو کے حوالے سے تبادلہ خیال کیا، وزیراعظم اور پاک فوج کے اعلیٰ عہدیداروں نے کہا کہ سعودی عرب بھی اگر اسرائیل کو تسلیم کر لیتا ہے، اس کے باوجود پاکستان اسے تسلیم نہیں کرے گا،فوجی قیادت نے وزیراعظم کو یقین دلایا کہ وہ حکومت کے بیانیہ کے کیساتھ کھڑے ہیں، اجلاس میں فرانس کیساتھ تعلقات منقطع کرنے کے حوالے سے بھی جائزہ لیا گیا۔
