Raza Musani 
نابلس : مغربی کنارے میں سینکڑوں صیہونی آبادکاروں نے فلسطینی آبادیوں پر دھاوا بول کر کئی مکانات اور گاڑیاں جلادیں۔ مسلح صیہونی آباد کاروں نے نابلس میں واقع حوارہ، بیت فرک، اللبان الشرقیہ اور بورین میں فلسطینی آبادیوں پر حملہ کیا۔ حملہ آوروں کو فوجیوں کا مکمل تعاون اور تحفظ حاصل تھا۔ آبادکار فلسطینیوں کے گھروں میں گھس گئے اور توڑ پھوڑ کی۔ حملہ آوروں نے گاڑیوں، کھیتوں، مکانات اور دیگر املاک پر پتھراؤ کیا اورانہیں آگ لگا دی۔ اس موقع پر فلسطینوں اور آبادکاروں کے درمیان چھڑپیں ہوئیں۔ فوجیوں نے حملہ آوروں کو روکنے کے بجائے فلسطینیوں پر شیلنگ اور ہوائی فائرنگ کی۔ آبادکاروں اور فوجیوں کی دہشت گردی کے نتیجے میں 34 فلسطینی زخمی ہوگئے۔ دہشت گردوں نے ایمبولینس سمیت 140 گاڑیوں کو آگ لگادی۔ گذشتہ روز دو مسلح نوجوانوں نے ایک گیس اسٹیشن کے کیفے میں بیٹھے آبادکاروں پر فائرنگ کرکے چار صیہونی آبادکاروں کو ہلاک اور چار کو زخمی کردیا تھا۔
