Raza Musani 
ابوظہبی : صیہونی حکومت نے فلسطینیوں کی پیٹھ میں خنجر گھونپنے والے عرب ممالک سے تعلقات کو مضبوط بنانے کا کام تیز کردیا ہے۔ ابوظہبی میں سرکاری دورے پر آئے صیہونی وزیراعظم نے متحدہ عرب امارات کے صدر سے ملاقات کی۔ نیفتالی بینیٹ اور شیخ محمد بن زاید نے دونوں ملکوں کے درمیان معاشی، ترقیاتی، سرمایہ کاری، صحت اور فوڈ سیکیورٹی کے شعبوں میں تعاون بڑھانے کے عزم کا اظہار کیا تاکہ دونوں اقوام کی خواہشات پوری کی جا سکیں۔صیہونی وزیراعظم نے امارات کے سابق صدر شیخ خلیفہ بن زائد النہیان کی رحلت پر تعزیت بھی کی۔ شیخ خلیفہ گزشتہ ماہ انتقال کر گئے تھے۔نیفتالی بینیٹ نے شیخ خلیفہ کی دنیا کے ساتھ تعلقات، امن اور تعاون کی خدمات پر اُن کو خراج عقیدت پیش کیا۔ صیہونی وزیراعظم نے شیخ محمد بن زاہد کو صدارت سنبھالنے پر مبارک باد پیش کی اور اس عزم کا اعادہ کیا کہ اسرائیل متحدہ عرب امارات کے ساتھ اگلے مرحلے میں دونوں اقوام کے استحکام اور مفاد میں تعلقات بڑھانے کے لیے کوشاں ہے۔شیخ محمد بن زاہد نے متحدہ عرب امارات کی ترقی اور خوشحالی کے لیے اسرائیلی وزیراعظم کی نیک خواہشات کو سراہا۔
