Raza Musani 
غزہ : صیہونی افواج نے غزہ کے 77 فیصد حصے پر قبضہ کرلیا ہے جس کے باعث شہری اپنے گھروں سے دور رہنے پر مجبور ہیں۔ غزہ کے سرکاری میڈیا آفس نے ایک بیان میں کہاہے کہ زمینی اعداد وشمار اور مصدقہ تجزیے سے ظاہر ہوتا ہےکہ قابض افواج غزہ کے کل جغرافیائی رقبے کے تقریباً ستتر فیصد پر مؤثر طریقے سے قابض ہوچکی ہیں۔ بیان میں کہا گیا ہےکہ اسرائیلی فوج نے یہ کنٹرول براہ راست زمینی دراندازی۔ رہائشی اور شہری علاقوں میں فوجیوں کی تعیناتی۔ فلسطینی شہریوں کو ان کے گھروں۔ علاقوں، زمینوں اور املاک تک رسائی سے روکنے۔ بھاری گولہ باری اور غیر منصفانہ جبری بے دخلی کی پالیسیوں کے ذریعے حاصل کیا ہے۔ میڈیا دفتر نےاقوام متحدہ اورعالمی برادری سے مطالبہ کیا کہ وہ اسرائیلی توسیع کو روکنے کے لیے کارروائی کریں۔
