Raza Musani 
غزہ : غزہ پر صیہونی فوج نے حملے کرکے چوبیس گھنٹوں کے دوران خواتین اور بچوں سمیت ساٹھ فلسطینی شہید کردئے۔ صیہونی فوج نے صبح سویرے بیت لاہیہ میں ایک رہائشی مقام پر حملہ کرکے بچوں سمیت چھ فلسطینیوں کو شہید کردیا۔ رات گئے خان یونس اور غزہ سٹی کے مختلف مقامات پر حملوں میں کئی بے گناہوں کی اموات ہوئیں۔ گذشتہ روز غزہ سٹی میں زندہ جلنے والا ایک اور صحافی جام شہادت نوش کرگیا۔ دیگر چھ زخمیوں میں سے بھی کئی کی حالت نازک ہے۔
ادھر امداد کا داخلہ روکنے سے غزہ کی صورتحال انتہائی المناک ہوگئی ہے اور متاثرین کو بمشکل ایک وقت کی خوراک دستیاب ہے۔ قحط کا خطرہ سر اٹھارہا ہے۔
