غزہ اور مغربص کنارے میں صیہونی حملے، 5 فلسطینی شہید، متعدد زخمی

غزہ : صیہونی فوج کی غزہ اور مغربی کنارے میں فائرنگ اور فضائی حملے میں پانچ فلسطینی شہید اور کئی زخمی ہوگئے۔ صیہونی فوج نے خان یونس کے مشرق علاقے الزیتون میں بمباری سے تین فلسطینی شہید اور کئی زخمی ہوئے۔ لاشوں اور زخمیوں کو ناصر میڈیکل کمپلیکس پہنچایا گیا۔ رفح کے شمالی حصے میں بھی اسرائیلی ہیلی کاپٹروں نے بمباری کی جس میں بعض افراد زخمی ہونے کی اطلاع ہے۔ اسرائیلی فوج نے دعویٰ کیا کہ مغربی کنارے کے شہر نابلس میں ایک کارروائی کے دوران نوجوان فلسطینی کو اس وقت شہید کردیا جب وہ فورسز پر دھماکا خیز مواد پھینکنے کی کوشش کررہا تھا۔
نابلوس کے عسکر پناہ گزین کیمپ پر چھاپے کے دوران ایک اور نوجوان فلسطینی کو شہید کر دیا گیا۔ ادھر شمالی یروشلم کے قریب الزام لگا کر ایک 26 سالہ فلسطینی نوجوان کو گولیاں مار کر زخمی کر دیا گیا۔