Raza Musani 
غزہ : غزہ میں صیہونی جارحیت تیسرے ماہ میں داخل ہوگئی۔ جنگی طیاروں کے حملوں میں نہتے خواتین و بچوں سمیت مزید درجنوں فلسطینی شہید وزخمی ہوگئے۔ جنگی طیاروں نے رات بھر اور صبح سویرے غزہ میں رفح۔ نصیرات پناہ گزین کیمپ۔ خان یونس اور شجایا پر بم برسائے۔ وحشیانہ بمباری سے کئی عمارتیں ملبے کا ڈھیر بن گئیں۔ درجنوں افراد شہید و زخمی ہوگئے۔
ادھر صیہونی فوج کے غزہ میں زیر حراست فلسطینیوں سے شرمناک سلوک کی ویڈیو بھی سامنے آگئی۔ فوجیوں نے فلسطینیوں کو گرفتار کیا اور بے لباس کر کے زمین پر بٹھا دیا۔
دوسری جانب مزاحمت کاروں نے صیہونی فوجیوں کو ناکوں چنے چبوادئے ہیں۔
القسام بریگیڈ کے فوجی ترجمان ابوعبیدہ کا کہنا ہے کہ 72 گھنٹے کے دوران 135 اسرائیلی گاڑیوں کو مکمل یا جزوی تباہ کردیا۔درجنوں فوجیوں کو ہلاک اور زخمی کیا۔ میزائلوں سے اسرائیل کے اندر بھی اہداف کو بھی نشانہ بنایا۔ اسرائیلی فوج نے اپنے ایک فوجی کی ہلاکت کی تصدیق کی ہے۔ گذشتہ روز خان یونس میں جھڑپ کے دوران اسرائیل کے سابق آرمی چیف گاڈی آئزن کوٹ کا بیٹا میجر گال میر آئزن بھی کوٹ مارا گیا تھا۔
