Raza Musani 
غزہ : صیہونی فوج نے غزہ پر فضائی اور زمینی حملے تیز کر دیے ہیں۔ جس کے نتیجے میں چوبیس گھنٹوں کے دوران نو امداد کے متلاشیوں اور اٹھارہ بچوں سمیت بیاسی فلسطینی شہید اور درجنوں زخمی کردئے گئے۔ اسرائیلی جنگی طیاروں نے رات گئے جبالیہ میں حلیمہ السعدیہ اسکول میں مقیم بے گھروں پر بمباری کردی جس کے نتیجے میں خواتین اور بچوں سمیت دس فلسطینی شہید اور کئی زخمی ہوگئے۔
دیر البلاح میں بچوں کے لیے غذائی سپلیمنٹس لینے کے لیے جمع ہجوم پر بھی حملہ کیا گیا۔ جس کے نتیجے میں دس بچوں سمیت سولہ فلسطینی شہید ہوگئے۔ غزہ سٹی میں امدادی مرکز کے قریب فائرنگ کر کے سات فلسطینی شہید کئے گئے۔الزیتون۔ خان یونس۔ شاطی کیمپ۔ رفح ۔ جبالیہ اور دیگر علاقوں پر حملوں میں درجنوں فلسطینی شہید اور زخمی کردئے گئے۔
ادھر مزاحمت کاروں نے صیہونی فوج پر ایک اور مہلک وار کیا ہے۔ خان یونس میں ایک مکان کو دھماکے سے اڑا دیا جس کے نتیجے میں ایک فوجی افسر ہلاک اور سات زخمی ہوگئے۔
