Raza Musani 
غزہ : غزہ میں خیمہ بستی اور رہائشی مقامات پر حملوں میں خواتین اور بچوں سمیت بیالیس فلسطینی شہید ہوگئے۔ اسرائیلی فوج نے غزہ بھر میں رات گئے کئی مہلک حملے کیے ہیں۔ خان یونس کے قریب اور شجاعیہ میں خیمہ بستی کو نشانہ بنایا گیا۔ رفح اور المواصی میں بھی حملے کئے گئے۔ جس میں کئی اموات اور لوگ زخمی ہوئے۔ نصیرات میں گھر پر بمباری سے دو فلسطینی شہید اور دیگر زخمی ہوئے۔ گذشتہ روز جبالیہ میں انروا کے کلینک پر بمباری سے شہید ہونیوالوں کی تعداد بائیس ہوگئی ہے جبکہ بعض زخمیوں کی حالت تشیوشناک ہے۔ اسرائیلی فوج نے مزید کئی علاقوں سے انخلا کے تازہ احکامات دئے ہیں اس کا مقصد فلسطینیوں کو ایک محدود علاقے کی طرف دھکیلنا ہے۔
