یمنی بحریہ کا حملہ، اسرائیل جانے والے آئل ٹینکر کو نقصان

صنعا: بحیرہ احمر میں یمنی بحریہ نے اسرائیل کی طرف رواں آئل ٹینکر کو نشانہ بنایا ہے۔ یمنی بحریہ نے بحیرہ احمر پر اپنی دھاک بٹھا دی ہے۔امریکی اور اتحادی افواج کے یمن پر حملوں کے باوجود بحیرہ احمر سے اسرائیل کے لیے تجارت نوے فیصد رک گئی ہے۔ یمنی فوج نے مزید تین بحری جہازوں کو نشانہ بنایا ہے جس سے جہازوں کو نقصان پہنچا ہے اور اسرائیل کے بجائے جہازوں نے دوسری بندرگاہوں کی طرف سفر شروع کردیا ہے۔ یمنی فوج کے میزائل حملے میں مارشل آئی لینڈ کے پرچم بردار آئل ٹینکر کو نقصان پہنچا ہے ۔امریکی سینٹرل کمانڈ کے مطابق کئی جہازوں نے وارننگ کے بعد راستہ تبدیل کرلیا ہے۔