Raza Musani 
صنعا: یمن اور سعودی عرب کی سرحد پر ڈرون حملے میں ایک بحرینی افسر اور سپاہی ہلاک ہوگئے۔ حملے میں متعدد فوجی زخمی بھی ہوئے ہیں۔ بحرینی فوج نے الزام لگایا ہے کہ حوثیوں نے سعودی عرب کی جنوبی سرحد پر تعینات بحرینی افواج پر مسلح ڈرون سے حملہ کیا ہے۔ یہ حملہ یمن میں متحارب فریقوں کے درمیان فوجی کارروائیوں کے خاتمے کے باوجود ہوا ہے۔
ڈرون حملے کا نشانہ بننے والے دونوں فوجی یمن میں حوثیوں کے خلاف برسرپیکار عرب اتحاد کا حصہ تھے۔ رپورٹ کے مطابق حوثیوں نے حملے کی تصدیق نہیں کی ہے اور نہ ہی حوثیوں کے میڈیا اور سوشل میڈیا پر حملے کا کوئی ذکرموجود ہے۔
رپورٹ کے مطابق یہ حملہ کسی تیسرے فریق کی کارروائی ہوسکتی ہے جس کا مقصد حالیہ امن بات چیت کو سبوتاژ کرنا ہو۔
