آبدوز ٹائٹن کا ملبہ نکال لیاگیا، انسانی باقیات بھی برآمد

اوٹاوا: ٹائٹینک کی سیاحت کے لیے جانیوالی آبدوز ٹائٹن کا ملبہ نکال لیا گیا جس سے ممنکہ انسانی باقیات بھی مل گئیں۔ کینیڈا کے بحری جہاز ہورائزن آرکٹک نے ٹائٹن کے ملبے کی تلاش کیلئے ریمورٹ کنٹرول گاڑی بھیجی تھی۔ ٹائٹن کا ملبہ 3810 میٹر گہرائی اور ٹائٹینک سے 488 میٹر دور سمندر کے فرش پر موجود تھا۔ 22 فٹ طویل آبدوز کے ٹکڑوں کو کینیڈا کے ساحل پر لایا گیا جس میں آبدوز کا اگلا حصہ بھی شامل ہے جس سے بدقسمت سیاحوں کو ٹائٹینک کا نظارہ کرنا تھا۔ امریکی کوسٹ گارڈ کے مطابق آبدوز سے پانچوں افراد کی باقیات بھی ملی ہیں جنہیں تجزیہ کیلئے منتقل کردیا گیا ہے طبی ماہرین انسانی باقیات کا باضابطہ تجزیہ کریں گے۔ تحقیقات کرکے حادثے کی اصل وجہ جاننے کی کوشش کی جائے گی۔ آبدوز ٹائٹن 18 جون کو زیرِ آب دباؤ کے باعث دھماکے سے تباہ ہو گئی تھی ۔حادثے میں پاکستانی کاروباری شخصیت شہزادہ داؤد اور انکے بیٹے سمیت پانچ سیاح مارے گئے تھے۔