Raza Musani 
میڈرڈ: فلسطین کے حامیوں نے غزہ میں اسرائیلی درندگی کے خلاف دنیا بھر میں احتجاج کیا۔ دنیا بھر میں مظاہرین نے غزہ میں فلسطینیوں کے ساتھ اظہار یکجہتی کے لیے ریلیاں نکالیں۔ اسرائیلی حملوں میں شہریوں کی ہلاکتوں کی مذمت اور فوری جنگ بندی کا مطالبہ کیا۔
اسپین میں میڈرڈ اور بارسلونا سمیت 40 شہروں کے طلباء نے ہڑتال کی اور تعلیمی اداروں میں پوسٹرز اور فلسطینی پرچم اٹھا کر غزہ میں جنگ بندی کامطالبہ کیا۔ مراکش کے دارالحکومت رباط میں عوام نے فلسطینیوں سے اظہار یکجہتی کیا۔
میکسیکو سٹی میں اسرائیلی سفارت خانے فلسطینیوں کی نسل کشی کیخلاف ریلی نکالی گئی۔ نیدرلینڈ کے شہر روٹرڈیم میں مظاہرین نے دو ریلوے اسٹیشنوں پر دھرنا دیا اور احتجاج ریکارڈ کرایا۔
واشنگٹن میں امریکی فلسطینی خواتین ایسوسی ایشن کی ارکان نے سینیٹر ٹامی بالڈون کے دفتر میں گھس گئیں اورمطالبہ کیا کہ سینیٹر جنگ بندی کا مطالبہ کریں۔ عراق کے شہر بصرہ۔ دوحہ اور شارجہ میں فیفا ورلڈ کپ کے کوالیفائر میچ کے دوران فٹبال شائقین نے فلسطین سے اظہار یکجہتی کیا اور اسٹیڈیم میں فلسطین کےپرچم لہرائے۔
ملائیشیا میں ڈاکٹروں نے غیر سرکاری تنظیموں کے ہمراہ مصر کے سفارت خانے کے باہر ’وائٹ کوٹ ریلی‘ نکالی۔
