مغربی کنارے کا الحاق دو ریاستی حل کو شدید نقصان پہنچا رہا ہے، یورپی یونین

برسلز : یورپی یونین کا کہنا ہے کہ مغربی کنارے کا الحاق بین الاقوامی قانون کی خلاف ورزی ہے اور دو ریاستی حل کو شدید نقصان پہنچا رہا ہے۔ برسلز میں فلسطینی میڈیا کے وفد سے ملاقات میں یورپی یونین کے ترجمان الانونی نے کہا کہ یورپی یونین مغربی کنارے کی صورتحال پر قریبی نظر رکھے ہوئے ہے، جہاں غیر قانونی صیہونی آبادکاروں کا تشدد، نوآبادیاتی بستیاں، زمینوں پر قبضہ اور گھروں کی مسماری بڑھتی جا رہی ہے۔ انہوں نے واضح کیا کہ یہ تمام اقدامات ناقابلِ قبول اور تباہ کن ہیں، جو دو ریاستی حل کو کمزور کر رہے ہیں۔ الانونی نے بتایا کہ غیرقانونی صیہونی آبادکاروں کے تشدد کا مقابلہ کرنے کے لیے یورپی یونین نے سزاؤں کی تجاویز پیش کیں اور اب تک نو آبادکاروں اور پانچ اداروں پر پابندیاں عائد کی جا چکی ہیں۔