Ilyas 
دشمن کی جانب سے پھر شیعہ سنی کو لڑانے کی سازش کی جارہی ہے، وحدت کیلئے ضروری ہے کہ ہم ایسے تمام تر عناصر سے لاتعلقی کا اظہارکریں
ظالم اور قاتل کا کسی فرقے یا مذہب سے تعلق نہیں ہوتا، ہمیں اپنی صفوں سے انتشار کو ختم کرنا ہے اور اتحاد کو قائم رکھنا ہے، اتحاد ا ±مت کانفرنس سے خطاب
اسلام آباد(نیوزڈیسک) وفاقی وزیر مذہبی امور پیر نورالحق قادری نے کہا ہے کہ کہ اسلام کو اہل کوفہ نے اپنے نرغے میں لیا ہوا ہے ، دشمن نے پھر پروگرام بنایا ہے کہ اس ملک کو کسی طرح سازشوں کے ذریعے شیعہ ،سنی کو لڑا کر فتنہ برپا کیا جائے، لاہور میں ادارہ منہاج الحسین ؑمیں تحریک حسینیہ پاکستان کے زیراہتمام ”اتحاد ا ±مت کانفرنس“ سے خطاب میں وفاقی وزیر نے کہاکہ گذشتہ 4 عشروں سے کوشش کی گئی کہ یمن سے پہلے پاکستان کو خراب کیا جائے، عراق و شام سے پہلے پاکستان کو برباد کیا جائے، لیکن طالبان کارڈ، بلوچستان کارڈ فیل ہوگئے اور پاکستان جیت گیا،انہوں نے کہا کہ وحدت کیلئے ضروری ہے کہ ہم ایسے تمام تر عناصر سے جو بکواس کر رہے ہیں، جو فضولیات بَک رہے ہیں، جو اختلاف کی طرف ہمیں لے جا رہے ہیں، ان کو ماننے سے انکار کریں، ان سے لاتعلقی کا برملا اظہار کریں،انہوں نے کہا کہ ہمیں اپنی صفوں سے انتشار کو ختم کرنا ہے اور اتحاد کو قائم رکھنا ہے، ظالم کا کسی فرقے سے تعلق نہیں ہوتا، قاتل کا بھی کسی فرقے مذہب سے تعلق نہیں ہوتا، ظالم و قاتل ظالم و قاتل ہی ہوتا ہے،انہوں نے کہا کہ وزیراعظم نے ہدایت کی ہے کہ ہر معاملے میں علما سے مشاورت کی جائے ۔
