Raza Musani 
بغداد : عراق کی عوامی دفاعی فورس "الحشد الشعبی” نے امریکہ کی جانب سے بغداد میں اپنے ہیڈ کوارٹر پر ڈرون حملے پر شدید ردعمل دیا ہے۔ الحشد الشعبی نے ایک بیان میں کہا کہ یہ مجرمانہ اقدام وزارت داخلہ کے تحت کام کرنے والے عراقی سیکیورٹی اداروں و ملکی خود مختاری اور سلامتی پر واضح حملہ ہے۔ یہ مذموم کارروائی تمام بین الاقوامی قوانین و معاہدوں کی خلاف ورزی ہے۔ بیان میں مزید کہا گیا کہ یہ دانستہ و خطرناک اقدام عراقی خود مختاری، قانون کی خلاف ورزی اور عراقیوں کی قربانیوں کی واضح توہین ہے۔
