جنگی جنون میں مبتلا نیتن یاہو کا اقتدار خطرہ میں، ہزاروں افراد کا مظاہرہ

تل ابیب: جنگی جنون میں مبتلا اسرائیلی وزیراعظم کیخلاف تل ابیب میں ہزاروں افراد نے مظاہرہ کیا اور نیتن یاہو سے مستعفی ہونے کا مطالبہ کردیا۔ تل ابیب میں عام انتخابات کے حق میں مظاہروں میں ہزاروں افراد نے شرکت کی۔ مظاہرین نے نیتن یاہو کو اسرائیل کا دشمن قرار دیا۔ مظاہرین فوری طور پر عام انتخابات کا مطالبہ کررہے تھے۔مظاہرین کے احتجاج تین روز سے جاری ہے۔ اسرائیلی وزیراعظم نیتن یاہو نے عام انتخابات کے مطالبے کو ماننے سے انکار کردیا۔اسرائیلی وزیراعظم کا کہنا تھا کہ دوران جنگ عام انتخابات کا مطالبہ حماس کو مضبوط کرنے کا مطالبہ ہے جس کو وہ کبھی تسلیم نہیں کریں گے۔ کیونکہ اس وقت انتخابات کا مطالبہ حماس کی مدد کرنے کے مترادف ہے۔اسرائیلی یرغمالیوں کی واپسی کیلئے وہ مسلسل کوششیں کررہے ہیں لیکن حماس کے مطالبات کبھی تسلیم نہیں کریں گے۔