Raza Musani 
غزہ : غزہ میں زیرزمین سرنگوں کو تباہ کرنے کے لیے اسرائیلی فوج نے مصنوعی سیلاب لانے کا فیصلہ کرلیا۔ اس کے لیے بحیرہ روم سے پانی لاکر سرنگوں میں چھوڑا جائے گا۔ اسرائیلی فوجی ترجمان کا کہنا ہے کہ اس مصنوعی سیلاب کے خطرے کو کم رکھنے کے لیے ضروری آلات نصب کیے گئے ہیں۔ عالمی برادری پہلے ہی خبردار کرچکی ہے کہ منصوبہ ماحولیات کے لیے تباہ کن ہوسکتا ہے اور اس سے غزہ کی مٹی بھی خراب ہوجائے گی جس سے کھیتی باڑی کرنا دشوار ہو جائے گا۔اس کے باوجود جنگی جنون میں مبتلا اسرائیلی حکومت حماس کے خاتمے کے لیے انتہائی سنگین اقدام کرنے کا ارادہ رکھتی ہے۔ امریکہ کی فوجی اکیڈمی کی رپورٹ کے مطابق اکتوبر میں جب جنگ شروع ہوئی تو غزہ میں 500 کلومیٹر سے زیادہ لمبی 1300 سرنگیں موجود تھیں۔ ان سرنگوں کو ‘غزہ میٹرو’ کا نام دیا گیا ہے۔ یہ حماس کی جنگی حکمت عملی میں اہمیت کی حامل ہیں۔
