Raza Musani 
برسلز : بیلجئم سے تعلق رکھنے والی تنظیم ہند رجب فاؤنڈیشن نے رومانیہ میں اسرائیلی فوجی کے خلاف جنگی جرائم کی شکایت درج کرادی۔ رومانیہ کے پراسیکیوٹر کے دفتر میں اسرائیل کے گیواتی بریگیڈ کے اہلکار اوریل بینائش کے خلاف مجرمانہ شکایت میں جنگی جرائم اور نسل کشی کی کارروائیوں کا الزام لگایا گیا ہے۔ جو شواہد جمع کرائے گئے ہیں ۔ان میں بینائیش کی جانب سے سوشل میڈیا پر پوسٹ کی گئی تصاویر اور ویڈیوز شامل ہیں ۔ جو نیٹزارم کوریڈور میں رہائشی عمارتوں کی تباہی میں اس کے براہ راست ملوث ہونے کو ظاہر کرتے ہیں۔ انہی تصاویر میں اس کا ساتھی سپاہی یوول وگدانی بھی موجود ہے۔ یہ تصویر اس وقت لی گئی تھی جب فلسطینی کے مکان کو تباہ کرنے کیلئے دھماکہ خیز مواد کو رکھا جا رہا تھا۔
