Raza Musani 
اسلام آباد : این سی او سی نے اعلان کیا ہے کہ ملک بھر میں ویکسی نیشن کے تمام مراکز یکم اور 2 جنوری ہفتہ اور اتوار کو بند رہیں گے کیونکہ ویکسی نیشن کا عملہ سال 2021 کے لیے قومی اہداف حاصل کرنے میں مصروف رہا، ویکسی نیشن مہم 3 جنوری سے دوبارہ شروع کردی جائے گی۔ این سی او سی کا کہنا تھا کہ ملک کی کل آبادی کے 30 فیصد اور اہل آبادی کے 46 فیصد کو ویکسین لگائی جا چکی ہے۔ انہوں نے شہریوں سے اپیل کی کہ اومیکرون کے بڑھتے ہوئے خطرے کے تناظر میں ویکسین کی مکمل خوراک لگوائیں اور ایس او پیز پر عمل کریں، ماسک پہنیں، ہجوم والی جگہوں پر جانے سے گریز کریں اور سماجی فاصلے کو یقینی بنائیں۔
